Baramaha(Muqdisho):-Diyaarado nuuca dagaalka ah ayaa saacadihii ugu dambeeyay lagu arkayay Hawada Muqdisho.

Dadka Reer Muqdisho ayaa  waxaa la soo derestay baqdin culus markii Hawada Muqdisho lagu arkayay diyaarado nuuca dagaalka ah oo dul heehaabayay kuwaasi mararka qaar dul istaagayay meelo gaar ah.

Diyaaradaha waxa ay qaadanayeen Sawiro iyadoo bixinayay Flashka Sawirka taasi oo dad badan ay shaki balaaran galisay inta hawada ay ku jireen diyaaradahaasi nuuca dagaalka ah.

Diyaaradaha oo ahaa Saddex Diyaaradood nuuca dagaalka ah ayaa dhammaan waxa ay ahaayeen kuwa si gaar ah ugu dul meeraysanayay Degmooyinka ay gacanta ku hayaan Koxoaha Islaamiyiinta.

Shalay galinkii dambe illaa Xalay saqdii dhexe wax a ay diyuuradaha ku dul meeraysanayeen Magaalada waxaana dadka Muqdisho ay filanayeen duqeyn ay geystaan diyaaradahaasi.

Saddexda diyuuradood ayaa waxa ay ahaayeenm nuuca AC-130 kuwaasi oo ujeedo iyo qorshe gaar ah u soo gaaray Magaalada Muqdisho oo haatan ay inteeda badan haystaan Mucaaradka.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments