Bartamaha(Muqdisho):-isku socodka gaadiidka caasimada soomaaliya ayaa saaka si gaabis ah u bilowday ka dib dagaalkii qaraaraa ee shalay ka dhacay wadooyinka muhiimka ah ee Muqdisho.

 

Wadadooyinka soo galay wadada  Wadnaha  oo aan ka dheereen madaxtooyada soomaaliya ayaa waxaa shalay ay ahayd mid ay isdhaafdhaafaysay rasaasta labada dhinac ee dowlada iyo kooxaha mucaaradka ay is weydaarsanayeen.

 

Aroornimadii saaka ma jirin wax ka dhaqdhaqaaqayay muqdisho iyadoo laga baqi qabay in dagaalkii shalay iyo mid ka xoogan uu magaalada ka bilowdo wallow dadka reer muqdisho ay ku dhiiradeen in ay wadooyinka dagaalka ay maraan ka dib markii kooxaha la wareegay mar kale wadada Wadnaha ay dhankood ay fasaxeen gaadiidak shacabka.

 

Gawaarida BLka ah ayaa waxaa welli ka xeran wadooyinka qaarkood sida inta u dhexeysa  Siinaay ilaa Sanca halkaasi oo welli laga maqlayo rasaas aan wadada laga goyn Karin taasi oo ay xiliyada qaar ay is dhaafsanayaan raga iska soo horjeeda.

 

 

Darawalada gawaarida ayaa waxa ay rajo ka muujinayaan in ay shaqadooda caadi ku soo laabato maadaama aanay xilligan socon wax rasaas ah wallow wadooyinka ay u muuqdaan kuwa waa hore laga kala guuray oo cidla ah.

 

Xafiiska Wararka Xaqiiqda ah www.Bartamaha.Com

Comments

comments