Bartamaha(Muqdisho):-Ciidamada Dowlada ayaa saaka dad badan ka qabqabtay wadada isku xerta Muqdisho iyo Afgooye halkaasi oo ay ka sameeyeen baaritaan xoogan.
Ciidamada ayaa waxa ay baaritaan xoogan ku sameeyeen dhammaan gaadiidka ka soo gala Magaalada Muqdisho dhanka Degmada Afgooye iyo kuwa ka soo baxa Bakaaraha ee aada dhanka Duleedka Muqdisho.
Askarta ayaa waxa ay dileen Wiil dhalinyarada ah markii uu isku dayay in uu la baxsao Bistoolad uu watay isagoo donayay in uu aado dhanka Suuqa bakaaraha wallow wadada ay u sii galeen Ciidan kale oo baacsaday wiilkaasi.
Wiilka dhalinyarada ah ayaa waxa uu ka dagay gaari sugayay in la baaro iyadoo taasi ay sababtay in askarta auy ogaadaan ka dibna ay ku dilaan dhulka kaynta noqday ee u dhexeeya Kuliyada Jaale Siyaad iyo Ex-Control.
Dhanka kale Ciidamada waxa ay xerxereen dhowr iyo Labaatan dhalinyara ah oo ay gawaarida kala dageen kuwaasi oo ay ku sheegeen in ay yihiin Kooxda Alshabaab.
Howlgalka saaka dhacay ayaa waxa uu ahaa mid xoogan oo ay Ciidamada ku raadinayeen Kooxo Xalay soo weeraray sida ay ku sheegayeen marka ay dhalinyarada kala dagayeen gawaarida.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.

Comments

comments