War goor dhow na soo gaaray ayaa sheegaya in weerar ismiidamin ah oo loo adeegsaday baabuur lala eegtay Kolonyo uu la socday Hogaamiyaha Maamulka KMG ah ee Jubba, kuwaasoo goor dhow ku laabtay magaalada Kismaayo.

Sida ay sheegayaan wararka gaari waxyaabaha qarxa laga soo buuxiyay oo uu kaxeynayay ruux naftii hure ah ayaa ku dhiftay kolonyada Axmed madoobe la socday oo marayay nawaaxiga Aargada.

Warar kala duwan ayaa ka soo baxaya qasaaraha ka dhashay weerarka ismiidaaminta, iyadoo la sheegayo in ku dhowaad 10-ruux ay ku dhinteen qaraxa oo uu ku jiro nin Suldaan ah.

Sidoo kale waxaa la sheegayaa in rasaas badan ay fureen ciidamada Maamulka Jubba oo rasaas badan furay, kadib qaraxa markii uu dhacay, kaasoo la sheegayo in qasaare badan uu dhaliyay.

Wararka qaar ayaa sheegaya in Axmed Madoobe uu ku dhaawacmay qaraxa, iyadoo dhaawiciisa la geeyay garoonka Kismaayo, waxaana la sheegayaa inay suurta gal tahay in loo qaado magaalada Nairobi.

Isgaarsiinta guud ee magaalada ayaa hawada laga saaray, waxaana ay tahay mid kacsan.

Axmed Madoobe ayaa maalmahan ku sugnaa magaalada Muqdisho, isagoo saakay dib ugu laabtay magaalada Kismaayo.

Wixii warar ee ku soo kordha kala soco wararkeena dambe

Comments

comments