Bartamaha (Xiingalool) Dagaal xoogan oo u dhexeeya Ciidamada Maamulada Somaliland iyo Puntland ayaa galabta ka bilowday bariga Gobolka Sanaag.

Wararka haatan soo gaaraya Xafiiska warqabadka www.Bartamaha.Com ayaa sheegaya in dagaal xoogan oo u dhexeeya Somaliland iyo Puntland uu ka bilowday Deegaanka Xiingalool Gobolka Sanaag.

Dagaalka ayaa la xaqiijiyay in uu ka dhashay ka dib booqasho galabta uu deegaankaasi ku soo gaaray Wasiir ka tirsan Xukumada Somaliland.

Booqashada Wasiirka ayaa timid ka dib casuumaad ay u dhigeen Odayaal deegaanka ka soo jeeda taasi oo ay ka caroodeen Ciidamo u daacad ah Puntland.

Dagaalka ayaa waxa uu bilowday gabal dhicii galabta iyadoo rasaas iyo madaafiic ay labada dhinac isdhaafsanayeen taasi oo aan la ogan qasaaraha ka dhashay.

Wixii ku soo kordha Dagaalka Gobolka Sanaag kala soco xilli waliba www.Bartamaha.Com soo bandhigaha  wararka Xaqiiqda ah.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments