Wasiirka arrimaha dibadda ee dalka Turkiga ayaa shaaciyay inaysan waxba iska badali doonin siyaasadda arrimaha dibada ee ku aadan Soomaaliya kadib markii la weeraray safaarada Turkigu uu ku leeyahay magaalada Muqdisho.

Ahmet Davutoglu oo soo booqday qaar kamid ah dhaawacyadii Turkigi oo lagu daawaynayo isbitaal ku yaalla Ankara ayaa sheegay in dawlada Turkigu aysan joojin doonin mashaariicda ballaaran ee ay ka hirgalinayso Soomaaliya kuwaasoo lagu taageerayo shacabka Soomaaliyeed.

“Ma joojin doono mashaariicdii socotay labadii sano ee lasoo dhaafay, waana kuwo lagu taageerayo shacabka” ayuu yiri Ahmet Davutoglu .

Kooxda Alshabaab ee iyadu inta badan gaysata weerarada lagu wiiqayo ammaanka Soomaaliya ayaa sheegatay inay ka dambaysay weerar lagu qaaday safaarada Turkiga oo lagu dilay hal askari saddex kale oo muwaadiniin Turkish ahna lagu dhaawacay.

Comments

comments