Dawlada Itoobiya ayaa shaacisay inay si rasmi ah u taageersantahay nidaamka siyaasadeed ee Soomaaliya ay xilligan qaadatay kaasoo ah federaalka.

Ra’iisul wasaaraha Itoobiya ayaa cadeeyay in nidaamka federaaliga ah ee Soomaaliya inuu yahay midka kaliya ee Soomaalida ay ku midoobi karaan maadaama ay soo mareen xaalad adag oo daba dheeraatay.

Hailemariam ayaa hadalkaan ka sheegey kulan uu shaley madaxtooyada dalkaasi kula qatey madaxweynada dowladda Puntland ee Soomaaliya Cabdirixmaan Sheekh Maxamed Maxamuud Faroole.

“Rai’sul Wasaaraha Ethiopia wuxuu hoosta ka xariiqay in Ethiopia iyo dhammaan Dowladaha Urur-Goboleedka IGAD ay taageersan yihiin in dib u dhiska iyo dib u heshiisiinta Soomaaliya lagu saleeyo Dastuurka Federaalka iyo hirgalinta nidaamka Federaalka, sida dhisida Maamullada Federaaliga ah (States)”ayaa lugu sheegey war-saxaafadeed kasoo baxay kulanka madaxweyne Faroole iyo R/wasaare Hailemariam.

Comments

comments