Bartamaha(Afmadow):-Dagaal xoogan oo u dhexeeyay Ciidamada Alshabaab iyo kuwa Xizbul Islaam ayaa xalay ka dhacay duleedka dhanka Galbeed Ee Magaalada Kismaayo.

Dagaal ayaa la sheegay in ay qaadeen Kooxda Alshabaab kuwaasi oo si gaadma ah u weeraray Ciidamada Xizbul Islaam oo fariisino ku lahaa duleedka Degmada Afmadow .

Tuulada la weeraray oo ku dhow Degmada Afmadow ayaa la xaqiijiyay in Ciidamada Alshabaab ay kala wareegeen Xizbul Islaam tuulada iyadoo la sheegay in qasaar ay labada dhinac kala gaartay.

Warar lagu kalsoonyahay ayaa sheegaya in Ciidamada Xizbul Islaam ay diyaargrow dagaal ka wadaan dhanka Afmadow halkaasi oo ay ku suganyihiin saraakiil sare oo ka mida Xizbul Islaam.

Dhanka Tuulada Buul-Xaaji oo ku dhawaad 80-km u jirta dhanka Koonfureen Kismaayo ayaa la sheegay in Ciidamada Alshabaab iyo Xizbul Islaam iyana dagaal kooban uu ku dhexmaray saqdii dhexe ee Xalay.

Dagaalada Jubooyinka ku soo laabtay ayaa noqonaya kuwa dhabar jab ku ah hishiis hordhac ah oo ay kala gaareen Xizbul Islaam iyo Xarakada Alshabaab.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments