Bartamaha(Kismaayo):-Dagaalo xoogan oo u dhexeeyay Alshabaab iyo Xizbul Islaam ayaa maanta mar kale ka bilowday duleedka Magaalada Kismaayo ee Xarunta Jubada Hoose.

Dagaalka ayaa la sheegay in uu ku bilowday weerar ay qaadeen Ciidamada Alshabaab Kismaayo oo weerar ku ekeeyay fadhiyada Xizbul Islaam ee Deegaanka Birta dheer.

Qasaaraha labada Koox diineed kala gaaray lama oga balse waxaa soo baxayay warar sheegaya in qasara xoogan ay labada Ciidan isgaarsiiyeen ka dib markii dagaal faraha looga gubtay uu halkaasi ka dhacay.

Ururka Xizbul Islaam ayaa ka digay Dagaalada ka soo cusboonaaday Kismaayo koonaheeda iyagoo ku baaqay in rasaasta la joojiyo Alshabaabna ay ka labato weerarka.

Madaxa Warfaafinta Xizbul Islaam Sheekh Maxamed Macalin ayaa waxa uu Saxaafada u sheegay in Alshabaab ay dagaalka ku soo qaadeen fadhiyada Xizbul Islaam ee Birta dheer .

Wadaadka Warfaafinta u qaabilsan Xizbul Islaam ayaa ka digay dagaalada Alshabaab uu masuuliyadooda dusha ka saaray isagoo ka digay in dagaalada ay noqdaan kuwa deegaano kale ku baahi kara.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments