Bartamaha(Muqdisho):-Rasaastan goos-gooska ah ayaa waxa ay ka socanaysaa xaafado ka mida Degmooyinka C/Casiis iyo Shibis Ee muqdisho halkaasi oo ay kaabiga isku hayaan Ciidamada dowolada iyo kooxaha Mucaaradka kuwaasi oo isku hor’fadhiya gudaha xaafadaasi .

dhawaqa rasaasta ayaa mararka qaar noqonaya mid ay si xoogan labada koox isku dhaafsanayaan wallow ay xaalada guud ee deegaanadaasi ay u muuqato mid ka yara xasiloon xaaladii shalay iyo maalintii ka sii horeysay ay ahayd.

ilaa haatan inta la xaqiijiyay dagaal muddo kooban socday ayaa waxaa ku geeriyooday 2-ruux xilli ay kooxaha mucaaradka ku sii siqayeen aroornimadii saaka isgoyska Maana-Booliyo oo ka mida Degmada Shibis halkaasi oo aad ugu dhaw xarunta madaxtooyada Villa Somalia.

saaka ayaa waxaa halkaasi gabi ahaanba isaga cararay dhalinyardii koobnayd ee illaalad ka ahysay guryaha laga barakacay ee Degmooyinka rasaasta ay ka socoto kuwaaso oo ay saameyn ku yeesheen madaafiicdii cuslayd ee shalay galinkii danbe lagu garaacay xaafado ka mida Degmada Shibis.Dagaalada socday muddada labada Todobaad ah ayaa la sheegayaa in ay ku geeriyoodeen ku dhawaad 350-ruux halka dhaawacyada ay kor u dhaafayaa ilaa 500-oo ruux kuwaasi oo badankod ay rayid yihiin isla mar’ahaantaana ay qaarkood ku naafoobeen madaafiicda iyo rasaasta haleeshay.

Xafiiska Wararka Soomaaliyeed www.Bartamaha.Com

Muqdisho-Somalia

Comments

comments