Bartamaha(Muqdisho:-Dadka dagan Degmada Dayniile Muqdisho ayaa saaka banaanbax balaaran ku taageeray dagaalka ay wadaan Kooxda Alshabaab.

Dibadbaxa saaka ayaa waxa uu salka ku hayay taageerida dagaalada ay wadaan Maleeshiyaadka Alshabaab oo malintii 7-aad dagaal ka wada Woqooyiga Muqdisho.

Saraakiisha Alshabaab ee dagan Degmadaasi Dayniile ayaa saaka u yeeray shcabka Barakacayaasha ah iyo kuwa dagan degmadaasi si ay banaanbax ugu muujiyaan taageerida dagaalka ay wadaan Kooxda Alshabaab.

Dadka banaanbaxa dhigayay ayaa waxa ay wateen Calanka Madow oo ah Calaamada Alshabaab iyagoo sheegayay in ay taageerayaan dagaalka ka sii holcayaya Woqooyiga Muqdisho.

Dhammaan goobaha ganacsiga degmadaasi ayaa la faray in la xero si banaanbaxa ay u balaariyaan dadka shaqeysanayay kuwaasi oo lagu qasbay in ay banaanbaxa ka qeybgalaan.

Banaanbaxa taagheerada lagu siinayay Alshabaab dagaalka ay wadaan ayaa waxa uu imaanayaa xilii Laba Cisho ka hor dibadbax balaaran lagu taageeray dagaalka ay wado Dowlada KMG ah.

Isku soo duub shacabka Caasimada dagan ayaa waxa ay noqdeen kuwa  dushooda lagu dagaalamayo islamarkaana ay kala taageeraan labada koox ee dagaalamaysa.

Xafiiska www.Bartamaha.Com

Nairobi –Kenya.

Comments

comments