Bartamaha (Ceel-Gaal):- Dagaaladii ka dhacay Magaalada Baladweyne ayaa dhamaaday natiija la’aan iyadoo guula ay kala sheegteen Maleeshiyaadkii dagaalamay.

Jawiga guud ee dhulkii shalay lagu dagaalamay ayaa dagan ka dib markii dagaal xoog badan uu dhexmaray Alshabaab iyo Koox la baxday Dooxada Shabeele.

Alshabaab ayaa waxa ay shaaca ka qaaday dhankeeda in ay laayeen Ciidanka Dolada oo duulaan ku soo ahaa Baladweyne islamarkaana ay fashiliyeen isku daygoodii.

C/casiis Abuu Muscab oo ah Afhayeenka dhinaca Dagaalada Shabaabka ayaa shaaca ka qaaday In ay laayeen Ciidankii soo duulay oo ay dileen askar Ethiopian ah oo duulaanka qeyb ka ahayd.

Dhanka Dowlada gaar ahaan Maamul la baxay Dooxada Shabeele ayaa waxaa saxaafada ugu qaabilsanaa oo la hadlay nin lagu magacaabo Dabaashe kaasi oo guula sheegtay.

Maxamed Nuur Dabaashe Cagajow oo sheeganaya in uu yahay wasiirka warfaafinta maamulka Dooxada Shabeelle kaasi oo shaaca ka qaaday in ay laayeen shabaabkii ay soo weerareen.

Dabaashe Gagajow ayaa waxa uu tilmaamay in ay ciidamadooda qabsadeen deegaano dhowr ah islamarkaana 10-ka mida maleeshiyada shabaab ay dileen.

Xafiiska www.Bartamaha.Com Ee Bariga Afrika.

.

Comments

comments