Bartamaha(Muqdisho):-Dagaal  qaraar oo u dhexeeyay Kooxaha Mucaaradka iyo Cidiamada Amisom ayaa ka dhacay Wadada Warshadaha Muqdisho ka dib markii weerar ay soo qaadeen Islaamiyiinta.

Dagaalka ayaa waxa uu socanayay muddo kooban kaasi oo sababay qasaara dhimasho iyo dhaawac leh markii rasaas ay ka bilaabatay Kuliyada Jaale Siyaad aroornimadii hore.

Rasaas xoogan iyo Madaafiic ayay isdhaafsadeen Kooxaha weerarka soo qaaday iyo Ciidamada Amisom ee dagan Kuliyada Jaale Siyaad Wadada Warshadaha Muqdisho.

Inta la ogyahay 2-Mayd ah ayaa lagu arkay Wadada Warshadaha kuwaasi oo la hadal hayo in ay ahaayeen Kooxihii weerarka soo qaaday balse warar kale ay sheegayaan in dad shacab ah ay ahaayeen.

Xaalad ayaa caadi ku soo noqotay ka dib dagaalka oo muddo 1-saac ah ka socanayay Wadada Warshadaha fariisinka ay AMisom ku leeyihiin Kuliyada Jaale Siyaad.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments