Bartamaha (Buula-Burde):- Dagaalkan oo saaka aroortii hore ka qarxay Duleedka Degmada Buula-Barde Ee Gobolka Hiiraan ayaa waxa uu noqday mid lagu kala bixi waayay oo saacada badan halkaasi ka socanayo.

Wararkii ugu danbeeyay oo aynu ka helanay Degmada Buula-Burde ayaa waxa ay sheegayaan in halkaasi uu weli ka socanayo dagal u dhexeeya Ciidamada Dowlada iyo Ahlu-sunnah wal-jamaaca iyo Xarakada Alshabaab .

Dagaalka ayaa la sheegayaa in uu xoogiisa duhurnimadii maanta ka dhacay Buundada Buula-Burde iyadoo la sheegay in halkaasi ay xoojiyeen Ciidamada Alshabaab kuwaasi oo awwood xoogan saaray Ciidamada Deegaankaasi weerarka ku sooq aaday.

Qasaaraha hordhaca ah Ee Dagaalka maanta socanaya oo geystay ayaa gaaraya 15-ruux oo dhaawac ah kuwaasi oo la dhigay isbitaalka Degmada Jalalaqasi iyadoo dhaawacyo 10-dhaafaya la gaarsiiyay isbitaalka Magaalada B/Weyne.

Xaalada ayaa ah mid aad u culus iyadoo aan la xaqiiji Karin qasaaraha dhinacyada dagaalamaya kala gaartay maadaama goobta dagaalka uu ka socdo ay tahay meel ka yara baxsan magaaladaasi.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments