Bartamaha (Muqdisho) Dagaalo xoogan oo u dhexeeyay Ciidamada Burundi iyo kuwa Islaamiga ayaa caawa ka qarxay qeybo ka mida Wadada Warshadaha Ee Muqdisho ka dib weerar lagu qaaday fariisinka Kuliyada Jaale Siyaad.

Dhawaqa madaafiicda iyo rasaasta nuucyadeeda ayaa laga maqlayay xiligii afurta Wadada Warshadaha iyadoo dagaalkaasi uu bilowday ka dib weerar ay Xoogaga Islaamiga ku qaadeen Xarunta Ciidamada Burundi Ee Kuliyada Jaale Siyaad.

Madaafiic u badan nuuca hoobiyayaasha ayaa waxa ay ku dheceen Deegaano ka mida Degmada Dayniile halkaasi oo ay Ciidamada Amisom jawaab ka soo baxday lala  beegsaday.

Dagalka ayaa muddo 1-saac ka dib iskiis u joogsaday iyadoo Ciidamada Islaamiytiinta ku laabteen goobaha ay duulaanka ka soo qaadeen Ee Wasaarada Gaashaandhiga halkaasi oo maanta ay ka samaysteen dhimaysyo aad u adag.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia

Comments

comments