Bartamaha(Muqdisho):-Dagaal xoogan oo u dhexeeyay Alshabaab iyo Amisom ayaa maanta ka dhacay Wadada Warshadaha Ee Magaalada Muqdisho.

Dagaalka ayaa waxa uu bilowday Duhurnimadii maanta ka dib markii Ciidamada Alshabaab ayaa weerareen fariisinka Amisom Kuliyada Jaale Siyaad wadada Warshadaha.

Dagaalka ayaa sababay dhimasho iyo dhaawac shacabka soo gaaray iyo dhinacyadii dagaalamayay waxaa la xaqiijiyay in gaari BL-ah uu madfac  kula dhacay Wadada halkaasioo ay ku dhinteen 3-ruux 5-kalana ku dhaawacmen.

Wadada warshadaha ayaa muddo saacada ah xerantay waxaana adkaaday in gaadiidka ay maraan wadada u dhexeysa Gaashaandhiga oo ay alshabaab joogaan iyo amisom oo dagan Jaale Siyaad.

Ma jiro wax cadayn kara qasaaraha kala gaaray alshabaab iyo Amisom oo xilli waliba shacabka dushooda ku dagaalamaan si ay guula u kala gaaraan.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments