Bartamaha (Muqdisho) dagaal xoogan ayaa saaka ka bilowday qeybo ka mida Wadamada Makka Al-Mukarama Ee Muqdisho halkaasi oo ay isku fara saareen Ciidamada Dowlada iyo Islaamiyiinta Mucaaradka.

Dhawaqa madaafiicda iyo rasasta nuucyadeeda ayaa laga maqlayay wadada Makka Al-Mukarama halkaasi oo ay daganyihiin Ciidamada dowlada iyo kuwa Amisom balse ay weerar ku qaadeen Xoogaga Mucaaradka ah.

Dagaalka ayaa maanta waxa uu ahaa mid ku koobnaa gacanta Ciidamada dowlada iyo xoogaga Mucaaradka balse waxaa madaafiic ay ku soo dhacdauy Suuqa Bakaraha ka dib markii dagaalka uu u dhawaaday fariisinada Ciidamada Amisom Ee Wadada Shaqaalaha.

Illaa haatan lama oga qasaaraha dagaalka saaka bilowday uu geystay wallow ay meel cidla ah ku dheceen 3-madfac oo ku soo dhacday gudaha Suuqa Bakaraaha xilli dadku ay ka baqdin qabeen madaafiicdaasi.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments