Bartamaha(Muqdisho):-Dagaal qaraar oo u dhexeeyay Amisom iyo Alshabaab ayaa saaka waxa uu ka dhacay  afaafka hore ee Kuliyadii Jaale Siyaad halkaasi oo Weerar lagu qaaday.

Ciidamada Alshabaab ayaa waxa ay weerar ku qaadeen fadhiga Ciidamada Amisom ee wadada Warshadaha gaar ahaan Jaale Siyaad halkaasi oo waxyeela ay ka soo gaartay dad shacab ah.

Dagaalka ayaa waxa uu ahaa mid socanayay muddo ku dhow 30-daqiiqo wallow uu sabab ka dhigay in wadada ay xeranto oo rasaas labada dhinac ay isku raacinayaan wadadaasi.

In ka badan 4-ruux oo gaari Bl- ah la socday ayaa dhintay 5-kalana dhaawac ayaa soo gaaray ka dib markii wadada uu ciriiri ahayd rasaas culus ay isqabsatay gaadiidkana ay isdhexyaaceen oo shilal badan ay halkaasi ka dhasheen.

Xaalada ayaa haatan ah mid xasiloon iyadoo ay joogsadeen rasaastii iyo madaafiicdii labada dhinac ay isku dhaafsadeeb wadada Warshadaha gaar ahaan Jaale Siyaad.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments