Bartamaha(Muqdisho):-Dagaal u dhexeeyay Alshabaab iyo Amisom ayaa maanta ka dhacay Xaafado ka mida Degmada Hodon Ee Magaalada Muqdisho halkaasi oo qasaara kala duwan uu manta ka dhashay.

Dagaalka dhacay duhurnimadii manta ayaa waxa uu ahaa mid xoogan kaasi oo socanayay muddo daqiiqada ah iyadoo uu geystay dhimasho iyo dhaawac dad shacab ah gaartay inta badan.

Inta la ogyahay dagaalka manta ayaa waxaa ku dhintay 3-qof oo rayid ah kuwaasi oo dhammaan ay haleeshay rasaasta ay isdhaafsanayeen Alshabaab iyo Amisom oo aan bulshada u nixin.

Gawaarida gurmadka deg dega ah oo wadooyinka lagu arkayay ayaa waxa ay dhaawac ahaan u qaadeen in ka badan 5-ruux oo shacab ah oo u badan dadkii ku sugnaa isgoyska KM.4 oo uu dagaalka si kadis ah uga bilowday.

Muqdisho ayaa waxa ay noqotay magaalo ay ku hardamaan dhinacyada siyaasada ahaan isku diidan kuwaasi oo aan dagaalka ay galayaan ku kala adkaan balse shacabnka ay ku laayaan oo kaliya.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments