Bartamaha(Muqdisho):-Dagaal u dhexeeyay Kooxda Alshabaab iyo Ciidanka Dowlada ayaa saaka ka dhacay Xaafado ka mida Degmada Shibis ee Magaalada Muqdisho.

Dagaalka ayaa bilowdfay markii Ciidamada Alshabaab ay weerar ku qaadeen Saldhigyada Askarta Dowlada ee Deegaanka Shibis halkaasi oo dagaal xoogan uu ka dhacay.

Dagaalka waxa uu xoogiisa ka dhacay Xaafada Nasii Buundo Degmada Shibis halkaasi oo Alshabaab ay si xoogan u soo buuxiyeen si ay u qabsadaan Saldhiga Degmada Shibis.

Ma jirin wax duqeyn ah oo loo geystay Xaafadaha lagu dagaalamayay wallow ay jiraan garneelada garabka laga gano oo ku dhacay Xaafado dadka ay ku harsanyihiin Degmada Shibis.

Saraakiil Alshabaab u hadashay ayaa waxa ay sheegteen masuuliyada dagaalka ka dhacay Shibis oo ay shegeen in ay kula wareegayeen Saldhiga Degmadaasi.

Ma jiro wax war ah oo dhanka Dowlada ka soo baxay waxaana Xaalada Degmada Shibis ay noqotay mid caadi ah ka dib dagaalkii saaka ka dhacay Xaafadaha Degmadaasi.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments