Bartamaha (Muqdisho):-Dagaal qaraar oo u dhexeeya Ciidamada Dowlada iyo Kuwa Amisom  iyo Xoogaga Xarakada Alshabaab ayaa saaka ka bilowday Wadada Isgoyska Ex-Control Afgooye.

Dagaalka oo ahaa mid aad u xoogan ayaa waxa uu bilowday ka dib weerar ay Xoogaga Alshabaab ku qaadeen fariisimada Ciidamada Dowlada Ee Isgoyska Ex-Control Afgooye halkaasi oo muddo uu dagaalka ka socanayay

Ka dib dagaalka xoogiisa ayaa waxaa si rasmi ah gacan ku haynta Isgoyskaasi kula wareegtay Ciidamada Xarakada Alshabaab kuwaasi oo gaaray isgoyskaasi iyadoo la sheegay in ay muddo halkaasi ku sugnaayeen.

Ciidamada dowlada ayaa la xaqiijiyay in ay weerar xoogan ku soo qaadeen goobta laga qabsaday taasi oo sabab ka dhigtay in ay dib ula wareegaan isgoyska Ex-Control.

Inta la ogyahay dagaalkii saaka ayaa sababay dhimasho iyo dhaawac soo gaaray shacabka Deegaanka iyo dhiunacyadii dagaalamayay geerida ayaa waxa ay gaaraysaa 6-ruux halka dhaawacyada isbitaalada la dhigay ay gaarayaan 12-ruux oo labada dhinac ee dagaalantay u badan.

Ma aha markii ugu horeysay ee dagaal halkaasi uu ku dhexmaro dhinacyada dowlada iyo Xoogaga ka soo horjeeda iyadoo maalmihii la soo dhaafay ay xiisad ka taagnayd wadadasi ka dib markii ciidamada Alshabaab ay soo dageen goob aan ka fogayn wadada dagaalka uu ka dhacay.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments