Bartamaha(Muqdisho):-Dagaal xoogan oo u dhexeeyay Ciidamada Dowlada iyo Xoogaga Islaamiga ah ayaa ka dhacay qeybo ka mida Degmooyinka Shibis iyo C/Casiis Muqdisho.

Dagaalka xoogiisa ayaa waxa uu ka dhacay wadada Nas-Buundo halkaasi oo la sheegay in ay soo weerareen Ciidamada Dowlada KMG ah wallow ay jireen Deegaano kale oo lagu dagaalamay.

Xaafadaha Degmada C/Casiis ayaa la sheegay in iyana dagaal xoogan uu ka dhacay iyadoo la xaqiijiyay in dagaaladaasi ay ahaayeen kuwa hubka fudud la isku weydaarsaday .

Laba qof ayaa la sheegay in dagaalkii duhurnimadii maanta dhacay in ay ku dhaawcmeen kuwaasi oo ahaa dad rayid ah oo rasaasta ay ku haleeshay Xaafadaha lagu dagaalamay.

Ma jiro wax war ah oo ka soo baxay dhinacyadii dagaalamay iyadoo ay jiraan warar la isla dhexmarayay oo ku aadanaa in Ciidamada Xizbul Islaam ay ka soo bexeen qaar ka mida xaafadaha Degmada Shibis.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments