Bartamaha(Muqdisho):-Dagaal u dhexeeyay Xizbul Islaam iyo Dowlada KMG ah ayaa maanta ka dhacay Xaafado ka mida Degmada Hodon Muqdisho.

Dagaalka oo u dhexeeya ciidamada Dowladda iyo Xizbul Islaam ayaa waxa uu maanta ka dhacay xaafadaha Degmada Hodon halkaasi oo qasaara uu ka dhashay.

Wararka aynu ka helnay aagaga dagaalka ayaa sheegaya in Ciidanka Dowlada ay hormar kooban ka gaareen dagaalkii maanta dhacay iyagoo qabsaday dhul cusub oo horay ay u daganaayeen Xizbul Islaam.

Dagaalka oo ku bilowday madaafiic ayaa waxa uu sababay dhimasho iyo dhaawac kala gaaray labada dhinac iyo dad shacab ah kuwaasi oo dhammaan ku sugnaa Degmada Hodon.

Ciidamada Dowlada ayaa waxaa la sheegayaa in ay gaareen wadada Wadnaha gaar ahaan meel ku dhow isgoyska KPP halkaasi oo ay ku xooganyihiin Islaamiyiinta.

Xaalada ayaa caadi ku soo noqotay markii dagaalka uu xoogasytay ka dib oo Ciidanka Dowlada ay dib uga soo noqdeen goobihii ay gaareen oo dagaal looga soo saaray.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments