Bartamaha(Muqdisho):-Dagaal u dhexeeyay Islaamiyiinta mucaaradka iyo Ciidanka Amisom ayaa saaka ka dhacay Wadada Warshadaha Muqdisho.

Dagaalka Wadada Warshadaha ka dhacay ayaa waxa uu aha mid xoogan kaasi oo Amisom ay adeegsanaysay Madaafiic ay ku garaacday xaafado ka mida Wadadaasi Warshadaha.

Xaafadaha dagaalka uu saameeyay ayaa waxa ka mida Deegaanka Raadeerka Degmada Dayniile oo Madaafiic lagu garaacay markii Kuliyada Jaale Siyaad Hoobiyayaal lagu dhiftay.

Iska hor’imaadka ayaa waxa uu ahaa mid xoogan balse waqti kooban ka socday Jidka Warshadaha iyadoo halkaasi ay wada joogaan Ciidamada Dowlada Amisom iyo Xoogaga Alshabaab .

Maalin iyo Habeen waliba ayaa waxaa halkaasi laga maqlaa madaafiic iyo dagaal goos-goos ah kaasi oo u dhexeeya Ciidanka Amisom iyo Xoogaga Alshabaab.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments