Bartamaha(Muqdisho):-Dagaal u dhexeeyay Ciidamada Dowlada iyo kuwa Xarakada Alshabaab ayaa maanta ka qarxay qeybo ka mida Degmada Shibis Ee Muqdisho.

Dagaalka maanta ayaa waxa uu xoogiiska ka dhacay Wadada Afarta Jardiino Ee Degmada Shibis halkaasi oo ay isku horfadhiyeen Ciidamada dowlada iyo xoogaga Alshabaab .

 

Ciidamada Dowlada ayaa la sheegay in ay isku dayeen u soo dhaqaaqida dhanka Afarta Jardiino halkaasi oo Ciidamada Alshabaab horey ugu dagteen dhanka Shibis taasi oo sababtay dagaal qaraar oo goobtaasi ka dhacay.

Inta la ogyahay waxaa goobta dagaalka ku geeriyooday 1-qof oo rayid ah iyadoo dhaawacya ay soo gaareen 2-kale kuwaasi oo ahaa shacabkii wadadaasi ku sugnaa iyadoo aan la ogayn qasaaraha kala gaaray dhinacyada dagaalamayay.

Xaalada Degmada Shibis ayaa maalmihii la soo dhaafay ahayd mid xasiloon iyadoo Ciidamada Dowlada iyo kuwa Mucaaradka ay kala joogaan wadooyin isku jira wax ka yar 100-mitir kuwaasi oo maalin waliba rasaas isku ridda.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments