Bartamaha(Eyl):-Dagaal Xoogan oo u dhexeeyay Kooxo ka wada tirsan Burcad Badeeda Soomaalida ayaa maanta ka dhacay Deegaanka Eyl Ee Xeebta Gobolka Nugaal Mamulka Puntland.

Dagaalka ayaa la sheegay in ay labada Koox isku adegsadeen hubka nuucyadiisa ka gadaal markii ay isku qabteen lacago madaxfurasho ah oo laga qaaday markab laga lahaa wadanka Turkiga.

Saraakiil sare oo Burcad Badeeda ka mid ah ayaa la sheegay in ay khilaaf ku kala tageen Hotel ku taala xeebta Eyl taasi oo sabab ka dhigtay in Kooxaha Burcad Badeeda ay rasaas isdhaafsadaan.

Garab ka mida Burcad Badeeda haysatay markabka ayaa la sheegay in ay wacad ku mareen weerar mar labaad lagu soo qabanayo markabka oo xiligaasi ka shiraacday xeebta Eyl wallow taasi dagaal ay dhalisay.

Warar lagu kalsoonyahay ayaa sheegaya in labada Koox Ee Burcad badeeda ku hishiin waayeen qiimaha 1-Milyan oo doolar oo laga soo qaaday Markab laga lahaa Turkiga oo la sii daayay.

Sida wararku sheegayaan ma jiro qasaara kala gaaray labada koox Ee Burcad Badeeda ka wada tirsan wallow la sheegayo in wada hadalo ay leeyihiin madaxdii labada koox ee dhaqaalaha isku qabtay.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments