Bartamaha(Muqdisho):-Dagaalkan ayaa waxa uu caawa fiidnimadii hore ka bilowday wadada Shaqaalaha Ee Muqdisho halkaasi oo laga maqlayo madaafiic iyadoo xaafado magaalada ka mida la duqeeyay.

Dagaalka ayaa waxa uu bilowday abaara 8:00-fiidnimo Ee Caawa ka dib markii Xoogaga Hubaysan Ee Mucaaradka ay weerar ku qaadeen fariisinka Ciidamada Amisom Ee Wadada Makka Al-mukarama.

Madaafiic culus ayaa caawa xiligii dagaalka xoogiisa uu socanayay waxa ay ku soo dheceen Suuqa Bakaaraha iyo Suuq Bacaad iyo Xaafado ka mida Degmada Hodon halkaasi oo laga cabsi qabo in shacab ay ku waxyeeloobeen.

 

Dhawaqa rasaasta iyo Madaafiicda ayaa waxa ay ka dhacaysaa Wadada Shaqaalaha halkaasi oo Ciidamada Amisom iyo Islaamiyiinta ay weli isku rasaasaynayaan iyadoo aan illaa haatan laga  warhaynin qasaaraha kala gaaray.

Xaalada ayaa weli ah mid aad u kacsan iyadoo Dagalka caawqa wadadaasi ka socanayo uu u muuqdo mid balaran oo aan kala joogis lahayn maadaama muddo ka badan 2-saacadood ay israsaasayntu halkaasi ka socanayso.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments