Bartamaha(Muqdisho):-Duhurnimadii manta ayaa kooxo Burcad hubaysan ah waxa ay jidka u galeen Gaari Rakaab ah oo ku soo jeeday Magaalada Muqdisho kaasi oo ay ky rasaaseeyeen deegaanka Fiidow oo ku dhow xadka Hiiraan.

Dableyda rasaasta gaariga la beegsatay ayaa la sheegay in ay darawalka gaariga ku amreen in uu istaago taasi oo ay shacabkii rakaabka ahaa ay diideen sidaasina uu darawalkii xowli ku dhaafay Buracddii wadada taagnayd ka dibna ay rasaas aan kala go’lahayn ay la beegsadeen.

Rasaasta arxan darada ahayad ayaa sababatay dhimashada ilaa 2Ruux oo uu ku jiray Kirishboygii gaarigaasi iyadoo dhaawac uu soo gaaray 4ruux oo rakaabka gaariga ka mid ahaa kuwaasi oo dhaawacooda loola soo cararay isbitaalka magaalada Jowhar oo haatan lagu daweynayo.

Dadka ku nool tuulada gaariga lagu rasaaseeyay oo ahayd meel u dhaxeysa deegaanada Dhiin-Garas iyo Fiidow oo ah xadka gobolada Hiiraan iyo Sh.dhexe ayaa ls heegayaa in ay dagaal kala hortageen Maleeshiyadii rasaasaynta gaysatay kuwaasi oo doonayay in ay dhacaan gaariga xiliga uu iskiisa u istaagay ka dib.

Deegaanada ku yaala xadka Hiiraan Iyo Gobolka Sh/Dhexe ayaa inta badan waxaa lagu dhibaateeyaa gawaarida Safarka ah kuwaasi oo doonaya in ay nabad ku maraan deegaanadaasi basle xilyada qaar ay la kulmaan burcaddan dhuumaalaysanaysa.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments