Bartamaha(Mandheera):-Koox Dablay Soomaali ah ayaa dhaawac u geystay nin Darawal ah xilli ay doonayeen in ay dhacaan gaari uu watay gudaha Magaalada Mandheera.
Kooxda Falka ku dhaqaaqday ayaa waxa ay ahaayeen Burcad aan la qaban kuwaasi oo dhaawacay Darawalka gaariga ay doonayeen in ay ka dhacaan Magaalada Mandheera ee woqooyi Bari Kenya.
Booliiska Mandheera ayaa hareereeyay goobta falka dhaawaca ah uu ka dhacay waxa ayna ku guulaysan waayeen in ay qabtaan Kooxda Falka ka geysatay Magaaladaasi oo isaga cararay goobta.
Dhanka kale waxaa Magaalada Mandheera ka socanayay raafka dadka aan haysan sharciyada Dalka Kenya kuwaasi oo laga qabqabanayo Magaalada Mandheera.
Shalay illaa Xalay ayaa waxaa la qabqabtay dad kor u dhaafaya 30-qof oo dhawaan soo galay Magaalada kuwaasi oo lagu sheegay in ay ammaanka halis ku ahaayeen maadaama aanay sharci haysan.
Xabsiga Magalada ayaa waxaa ku xeran dad badan oo aan haysan sharciga waxaana weli magaalada Mandheera ka socanaya raafka dadkaasi soo galaya gudaha Kenya iyagoo aan wadan sharciyada dalkaasi lagu joogo.
Xafiiska Bartamaha Wararka Soomaaliyeed www.Bartamaha.Com
Muqdisho-Somalia.

Comments

comments