Qardho_ Inta lahubo 4- qof ayaa ku dhaawacantay shil gaari oo ka dhacay wadada laamiga ah, gaar ahaana inta udhexaysa qardho iyo waaciye ee gobalka Kar-kaar.

Shilkan ayaa yimid kadib markii ay isku dhaceen labo gaari oo kala ah Marked 2 iyo Gaari Candhameedle ah, waxaana gadiidka isku dhacay soo gaaray Burbur xoog badan.

Taliyaha ciidamada waddoyinka Puntland gaashaanle Maxamed Finiin Yusuf oo gaaray goobta uu shilku ka dhacay, ayaa warbaahinta usheegay in shilkani uu dhacay xili habeen ah ayna ku dhawacmeen 4- ruux oo saarna gaariga Marked 2.

Taliyaha ayaa intaasi raaciyay inay ku guulaysteen sidii ay wadada uga qaadi lahaayeen Gaariga Candhamaydlaha ah oo intii uu yiilay wadada ay adkaatay in gaadiidku wadada adeegsadan.

Shilalka ka dhasha gaadiidka ayaa aad ugusoo badanayay deeganada Puntland sanadihii lasoo dhaafay, waxaana inta badan loo sababeeyaa khibrad yari haysatada wadayasha gaadiidka.

www.Bartamaha.com

 

Comments

comments