Bartamaha(Muqdisho):-Wasiir Dowlaha Wasaarada Arimaha Gudaha Dowlada Soomaaliya ayaa shaaca ka qaaday in ay soo dhaweynayaan isbadalka ka jira Magaalada Kismaayo iyo xaalada kacsanaanta ah.

C/rashiid Maxmed Xidig ayaa sheegay in Magaalada Kismaayo xiligan ay filayaan in uu ka dhaco isbadal kayara roon sidii Maamulkii hore uu ahaa islamarkaana ay Dowlada Soomaaliya ku faraxsanyahay.

“Waan soo dhaweynaynaa Isbadalka ka jira Kismaayo dowladuna shacxabka waxay ka codsanaysaa in la taageero Xaalada taagan rajjo weyn waxaan ka qabnaa in maamulka xiligan jira uu ka roonaan doono midka bulshada ee soo socda” ayuu yiri Wasiir Dowlaha Arimaha Gudaha.

C/rashiid Xidig Wasiiru Dowlaha Arimaha Gudaha ayaa tilmaamay in Dowlada Soomaaliya ay rajjo xoogan ka qabto in Xaalada isbadalka ka taagan Magaalada Kismaayo ay faa’iido badan u kento xukumada iyo shacabka Soomaaliyeed intaba.

Wasiir Dowlaha ayaa ugu danbayntii shacabka Soomaaliyeed ugu baaqay in ay taageeraan isbadalka ka soo socda Kismaayo islamarkaana Bulshada Kismaayo ay ka shaqeeyaan sidii wanaag loo heli lahaa.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments