Bartamaha (Garoowe):- Ciyaaro Kulul ayaa maanta dhexmaray Kooxo ka kala socday Afar Gobol oo Laba Laba isku arkay.

Goboada Nugaal iyo Banaadir ayaa u baxay Semi Final-ka markii galabta ay ciyaaro adag la galeen Laba Gobol oo iyana hardanka ku jiray.

Wareegii labaad ee Ciyaaraha Gobolada Dalka ee 18aad ayaa maanta ka bilowday Garoonka Mire Awaare Ciyaartii ugu Horeysay waxaa wada yeeshay Xulalka Gobolada Nugaal oo Groupka A kaalinta 1aad kaga soo baxday iyo Mudug oo Groupka B kaga soo baxday kaalinta 2aad.

Labadan Xul waxaa ay soo bandhigeen Galabta ciyaar aad u sareyso xiisana galisay qeybihii kala duwanaa ee u soo daawasho tagay, qeybtii hore ee ciyaartan ayaa moodaa in ay xulba xulka kale waardiyo ka ahaa sidii aan Goal looga dhalin balse taasi waxaa beenisay oo Goal aad u qurux badan la timid Xulka Gobolka Nugaal oo isaga Tartanka Marti galinayo waxayna qeybtii hore ee Ciyaarta lagu kala maray 1-0 oo ay Nugaal ku wadato.

Qeybtii labaad ee ciyaarta ayaa laysugu soo laabtay iyadoo labada Xulba ay Dardaaran iyo dhiiro galin ka soo kala qaateen macalimiintooda iyo Taageerada labada Dhinac waxaan intii ay socotay qeybtii labaad ee ciyaarta waxaa Goal Bar baro ah helay Xulka Mudug taasoo ka dhigtay Ciyaarta Barbaro 1-1 ah haseyeeshee sidaasi kuma hakan Ciyaarta waxaana Ciyaartu oo ah weerar iyo weerar celis ayaa waxaa ka faa’ideysatay Xulka Gobolka Nugaal oo Goal halis oo si weyn looga soo shaqeeyay dhashatay Ciyaarta waxayna noqotay 2-1 oo Xulka Gobolka Nugaal ku hogaaminaysay.

DAAWO SAWIRADA:-

Comments

comments