Bartamaha(Gedo):-Ciidamada Xizbul Islaam ayaa ku dhaqaaqay howlgalo baaritaana ah oo ay ka samaynayaan Wadada isku xerta Degmooyinka Luuq iyo B/Xaawo.

Howlgalada Wadada ay ka samaynayaan Ciidanka Xizbul Islaam ayaa waxa uu imaanayaa xilli Koox Burcad ah ay wadooyinka u galayaan gawaarida safarka ah taasi oo waxyeela badan iyo dhac ay kula dhaqaaqaan.

Madaxa ammaanka Xizbul Islaam Sheekh Xasan Al-Ciraaqi ayaa sheegay in Ciidamada ay soo qabteen dhalinyaro Burcad ahayd oo doonaysay in ay dhac iyo baarasho ka geystaan Wadadaasi.

Illaa 5-nin oo Burcad ah ayaa lagu soo qabtay howlgalo ay Ciidamada ammaanka Xizbul Islaam ka sameeyeen Wadada dheer ee isku xerta Luuq iyo Balad-Xaawo oo dhawaanahan dhac iyo baarasho ay ka socotay.

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments