Bartamaha(Muqdisho):-Ciidamada Amis0m oo watay Taangiyayaal ayaa saaka fariisin ka samayustay dhismihii Bangiga Ganacsiga halkaasi oo shalay awood looga saaray Dad Barakacayaal ah.

Taangiyada Ciidamada Amisom iyo gawaaridooda gaashaaman aya asaaka fariisin ka samaystay dhismihii Bangiga Ganacsiga Degmada Shangaani halkaasi oo saaka lagu arkayay dhufaysyo ay ka samaysanayaan.

Ciidamada ayaa waxa ay dageen dhismaha Bangiga waxa ayna saaka bilaabeen in ay dadka iyo gaadiidkaba u diidaan wadooyinka dhanka Bari ka soo gala Degmada Xamarweyne oo ay silig ku gooyeen.

Ciidanka waxa ay Taangiyadooda dhigteen Hoteelkii Curubo iyo Masjidkii Arbaca Rukun iyagoo bilaabay in ay samaystaan dhufaysyo adag oo ay dhiganayaan agagaarka Bangiga Ganacsiga illaa Dugsigii Siciid Barqash oo ku dhow Hotelka Curubo.

Fariisinkan cusub oo Ciidamada Amisom ka samaysanayaan Deegaanada ku beegan Bariga Madaxtooyada ayaa waxa ay imaanaysaa xilli Alshabaab ay ku soo dhawaanayaan Madaxtooyada iyo Dekada Muqdisho maadaama ay joogaan Degmada C.casiis.

Xafiiska Wararka Soomaaliyeed www.BARTAMAHA.COM

Muqdisho-Somalia

Comments

comments