Lonodn 25/05/2010: Ciyaaryahanka kooxda Manchester City Cabdisalaan Ibraahim Caddaay ayaa looga yeeray xulka dalka Norway (Under 21) oo lagu wado inay labo ciyaarood  kale horyimadaan xulalka dalka Hungery iyo Finland.

Cabdisalaan ooh ore uga tirsanaan jirey xulka dalka Norway (U19) ayaa haatan ku tilaabsaday horumar kale kadib markii kooxda kowaad ee Man City uu ka mid noqday bilihii la soo dhaafay, haatana looga yeeray kooxda Xulka Norway U21, waxaana la filayaa hadii Eebe idmo inuu kaga sii gudbi xulka dalka Norway oo diyaargaroow ugu jira koobka Qaramada dalalka Yurub .

Jaaliyada Soomaaliyeed ee jecel Isboortiga ee degan dalalka Norway iyo Finland lala socodsiinayaa in C/salaam iyo kooxdiisa ay ciyaaro ku yeelan doonaan maalmaha nagu soo aadan magaalooyinka Hammer iyo Helsinki, hadana si aad taageero ugu muujiyo wiilkan Soomaaliyeed una tuso inay jiraan dad badan oo taageerayaal u ah lagaaga codsanayaa inaad tagto ciyaarahaan si aad C/salaam Ibraahim caddaay u dhiirigaliso, waayo waa Soomaaligii ugu hooreeyay dalalka Scandevianka u dheela dal ay Soomaali badan degan tahay.

Jadwalka Ciyaarahan waa sidatan:

28/05/2010 Norge Vs Ungarn  ( Norway Vs Hungery) waxaa lagu dheelayaa garoonka Briskeby Gressbane oo ku yaal magaalada Hammer gobalka Hedmerg oo labo saacadood u jirta magaalada oslo, saacada ciyaarta bilaabanaysa waa 18:00 pm

02/06/2010   Finland Vs Norge (Finland Vs Norway) Waxaa lagu dheelayaa garoonka Leppavaara Stadium oo ku yaal magaalada Helsink saacadu markay tahay 18:30 pm, hadaba ha moogaanina horena u sii qaata calanka dalka Soomaaliya.

Garsoore C/qaadir Caddaay oo ah aabaha dhalay C/salaam ayaa ii sheegay inuu aad ugu faraxsan yahay tilaabada uu hore u qaaday wiilkiisa islamarkaana rajaynaya inay u soo daawasho tagi doonaan Soomaali badan oo degan dalalka Finland iyo Norway madaama taageerayaal badan oo Soomaali ah ku leeyahay dalalkaas, runtii waa farxad ayay u tahay in wiil Soomaaliyeed inuu ka soo dhaxmuuqdo garoomada caalamka ayuu hadalkiisa ku soo gabagabeeyay mudane Caddaay

W/D:Yusuf Yusuf

Sports editor of SSPAMEDIA

London

Comments

comments