Bartamaha (B/Xaawo):- Kooxo Burcad ah oo la aaminsan yahay in ay ka mid ahaayeen Ciidanka Dowlada ayaa gaari ku rasaaseeyay Degmada Baladxaawo.

Kooxo ku libisan Dareeska Dowlada ayaa waxa ay saacada ka hor gaari rakaab ah ku rasaaseeyeen Degmada Baladxaawo Ee Gobolka Gedo oo Dowlada qabsatay maalma ka hor.

Rasaasta ayaa timid markii Burcada ay damceen in ay istaajiyaan gaariga ka dibna ay baartaan waxaana darawalkii gaariga uu qaadan waayay amarka si uu ula baxsado dadkii la doonayay in la dhaco.

Rasaas ay maleeshiyada la aaminsan yahay in ay Dowlda ka mid yihiin oo rasaas bareer ah ku asqeeyay gaariga ayaa waxa ay rasaasta sabab ka dhigtay dhimashada 2-ruux iyo dhaawaca 3-kale.

Dadka dhaawaca noqday iyo kuwii badbaaday ayaa dhammaan Ciidanka ay dhac iyo boob u gaysteen waxaana markii danbe dhaawacyada loola cararay dhanka Magaalada Mandheera.

Dhacdadan ayaa waxa looga bartay dhulka ay ka taliyaan Dowlada KMG ah ama kooxaha aan cidna ka amar qaadan iyadoo falkan uu imaanayo xilli muddo dhowr maalin ah ay Deegaankaasi haystaan askarta Dowlada.

Xafiiska www.Bartamaha.Com Ee Bariga Afrika.

.

Comments

comments