Bartamaha(Lafoole):-Barakacayaasha dagan dhismaha Jaamacada Lafoole ayaa saaka Barakicin balaaran ay ku sameeyeen Ciidamada Xizbul Islaam oo aroor hore oo saaka ah dagan dhismaha.

Ciidamada Xizbul Islaam ayaa saaka xilli hore gaaray dhismaha Jaamacada Lafoole iyagfoo shacabka u sheegay in ay isaga baxaan dhismahaasi maadaama mudadii uu Xasan Daahir qabtay ay dhammaatay.

Ciidanka ayaa dadka uga toosiyay hub iyo rasaas ay la galeen guryaha ay daganaayeen dadka Barakacayaasha waxa ayna bilaabeen iun ay dibada ugu saaraan alaabta ay lahaayeen shacabka.

Barakacayaasha ayaa saaka waayay meel ay aadaan waxaana jiray askar badan oo dagtay dhismaha kuwaasi oo adkayn aya ammaanka islamarkaana qaar ka mida Ciidanka ay shacabka ka saarayaan xarunta Jaamacada Lafoole.

Hogaamiyaha Kooxda Xizbul Islaam  Xasan Daahir Aweys ayaa gaaray dhismaha Jaamacada Lafoole todobaadkii hore waxa uuna shacabka dagan ugu baaqay in muddo Todobaad ah ay isaga baxaan dhismahaasi.

Dhismaha Jaamacada Lafoole ayaa waxaa dagana shacab soo barakacay iyo kuwa xilligii dowlada ay dhacday ka dib iska dagay dhismahaasi waxaana dhammaan dibada looga soo saaray Jaamacada.

Xizbul Islaam ayaa la hadalk haayaa in ay doonayaan Xero Ciidan in ay ka dhigtaan dhismaha Jaamacada Lafoole waxaana Ciidan xoogan ay saaka hareereeyeen shacabka dagan oo si detg deg ah loo faray in ay isaga baxaan dhismayaasha Jaamaacada.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments