Bartamaha (Muqdisho):- Barakacayaasha ku dhaqan Duleedka Muqdisho ayaa loogu baaqay in ay ka qeyb noqdaan xoogaga ka dagaalamaya magaalada Muqdisho.

Sargaal u hadlay maamulka Kooxda Xizbul Islaam deegaanka Lafoole ayaa waxa uu dadka soo barakacay ugu baaqay in dhammaan dhalinyarada ay iska soo diiwana galiyaan saldhigyada si ay uga qeyb noqdaan xoogaga ka dagaalamaya magaalada.

Sheekh Bashiir Maxamed Saqaawe madaxa Dacwada Xizbul Islaam duleedka Muqdisho ayaa shaaca ka qaaday in dhammana dhalinyarada looga baahanyahay in ay iska soo diiwaan galiyaan Buuga furan ee Mujaahidiinta si ay dagaalka ugu biiran.

Wadaadkan ayaa sheegay in Xizbul Islaam aanay dhalinyarada ku eeganayn iska fadhiga dirbiyada iyadoo waajib Jihaad ah uu taaganyahay sida uu warkiisa u ndhigay taasi oo u muuqanaysay in Xizbiga ay go’aan ku gaareen ka qeyb galinta dhalinyarada dagaalka socanaya.

Dalabka iyo baaqa wadaadkan ayaa imaanaya xilli magaalada Muqdisho ay dagaalada weli ka socanayaan islamarkaana shacabka barakacayaasha ah horay si qasab ah looga soo barakiciyay guryahooda taasi oo la yaab ku noqotay markii la amray dhalinyarada ka qeybgalka dagaalada.

Xafiiska www.Bartamaha.Com Ee Geeska Afrika

[email protected]

Comments

comments