Muqdisho (www.Bartamaha.com):- Inta la ogyahay afar qof ayaa ku geeriyooday todobo kalena waa ay ku dhaawacmeen ka dib markii uu ku soo dumay dhismo mar horre la dhisay oo ku yaala degmadda Xamar Jajab ee gobalka Banaadir.

Sida uu sheegay mid ka mid ah dadkii daganaa dhimaha oo ku yaala xaruntii horre UNICEF ee degmada Xamar Jajab, ayaa sheegay dadka dhintay ay ahaayeen qoosas dhawaan ka soo hayaamay gobaladda dalka kana soo cararay abaarta ka jirta.

Guddoomiyaasha degmooyinka Xamar Jajab iyo Waabari ayaa goobta tagay iyagoo gurmad u fidiyay qosaska ku waxyeeloobay dhismaha dumay.

Ma ahan markii ugu horreysay oo barakacayaal ku nool magaaladda muqdisho uu ku dumo dhismo ay ku hoos jireen.

Magaaladda Muqdisho ayaa waxa soo buux dhaafiyay kumanaan qof oo ka soo barakacay gobaladda Soomaaliya kuwaas oo ku hanti beelay abaarta ka jirta dalka.waxana ay usoo ciirsi raadsadeen magaaladda iyagoo soo galay qaarkood socod oo dheer oo ah lugta.

W/D:Xafiiska Wararka Muqdisho www.Bartamaha.com

Comments

comments