Bartamaha(Laas-Caanood):-Banaanbaxayaal Caraysan yaa maanta isugu soo baxay Wadooyinka Magaalada Laascaanod halkaasi oo ay iskula dheceen Ciidamada Booliiska Somaliland.

Dadka Banaanbaxa ayaa waxa uu bilowday ka dib markii Ciidamada ay Xabsiga u taxaabeen Culimaa’udiin si weyn looga qadariyo Laas-Caanood iyo Macalimiinta dugsiyada quraanka.

Dadka dibadbaxa samaynayay oo u badnaa dhalinyaro ayaa waxa ay bilabeen in ay dhagaxyo ku tuuraan Ciidamada taasi oo keentay in ay rasaas furan askarta si dadkaasi loo kala eryo.

Illaa 2-ruux ayaa dhaawac soo gaaray xiliga banaanbaxa uu socday ka dib markii ay haleeshay rasaasta Ciidamada ay ku fureen dadka banaanbaxa samaynayay.

Bartamaha Magaalada Laas-caanood ayaa maalintii shalay ahayd waxaa qarax lagula beegsaday Saraakiil sare oo Ciidamada ka tirsanaa kuwaasi oo saaka qaraxa lala beegsaday loo xerxeray wadaado dadkii Magaalada ka caraysiisay Xarigooda.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments