Bartamaha(Muqdisho):-Banaanbax balaaran ayaa maanta ka dhacay deegaanada ay Dowlada ka taliso Muqdisho kaasi oo looga soo horjeeday Alshabaab.

Banaanbaxayaasha oo watay Calanka Somalia iyo boorar ay ku qornaayeen erayo Alshabaab si toos ah loogu weerarayo ayaa waxa ay maanta isugu soo bexeen Taaladii Daljirka Daahsoon Degmada Boondheere Muqdisho.

Dadka Banaanbaxa samaynayay ayaa waxa ay ku dhawaaqayeen “Qabri qode dooni mayno,Calan badale Dooni mayno,Diin la dirir dooni mayno” iyo erayo kale oo ay alshabaab ku diidayeen.

Banaanbaxayaasha waxaa hadal u jeediyay Afhayeenka Ahlu Sunnah Wal Jamaaca Sheekh C/qaadir Sheekh Soomow oo si kulul u weeraray Alshabaab.

Sheekh Soomow oo hadaladii ay jelcanaan jireen ayaa si toos ah u sheegay in ay dagaal abaabulayaan si dalka looga sifeeyo Kooxda Alshabaab.

Sheekh Soomow ayaa xusay in ay doonayaan dagaal ka dhan ah ALshabaab maadaama ay dadkii noolaa laayeen kuwii dhintayna ay qabuuraha uga daba tageen sida uu hadalka u dhigay.

Waxaa sidoo kale dadka la hadlay Ganacsade Bashiir Raage Shiiraar oo aan waayaha shaashadaha ka soo muuqan waxa uuna sheegay in ay dagaal la galayaan Alshabaab.

Bashiir Raage oo ahaa Sargaal ka dhex muqday Kooxdii samaysay Isbahaysigii Argagixiso la dirirka ayaa soo hadal qaaday in ay xiligaasi ogaayeen cadonimada Kooxdan abaabulka waday.

Dadka ayaa wax a ay wacad ku mareen in ay dagaal isku diyaarinayaan waxa ayna dalbadeen in la diiwaan galiyo si ay dagaal ula galaan Alshabaab.

Waa banaanbixii ugu horeeyay ee looga soo horjeedo qabuura qodida oo maanta ka dhacay Muqdisho waxaana laga baqanayaa in dadka banaanbaxay ay sii wadaan cadowtooyada ay Alshabaab u qaadeen.

Sawirada Banaanbaxa:-

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Bashiir Raage Shiiraal Ganacsade ka hadlay goobta.

 

 

 

 

 

 

 

 

 

 

 

 

 

 

 

 

 

 

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments