Bartamaha (Muqdisho):- Alshabaab oo maanta lagu taageeray banaanbax ka dhacay xaafada ay aadka ugu haysato taageerayaasha ee Deegaanka Suuqa Xoolaha Muqdisho.

Banaanbaxa oo ay ka qeybgaleen boqolaal qof oo ka baxay Suuqa Xoolaha Dayniile iyo Bakaaraha ayaa waxa ay wada gaareen Xerada Maslax halkaasi oo ay kula hadleen saraakiil shabaab ah iyo qaar hada shabaab laga dhigayo kana soo tanaasulay magacii Xizbul Islaam.

Banaanbaxayaasha oo watay Calanka Madowga ah Ee Alshabaab ayaa waxa ay ku dhaqaaqayeen Midnimada ha guulaysato iyo Erayo kale oo u dhigmayay in ay taageersan yihiin ka soo tanaasulka magacii Xizbul Islaam oo alshabaab hada lagu midoobay.

Sargaalka shabaabka matalayay ayaa ahaa mid hadal dheer ka jeediyay goobta oo shaaca ka qaaday in hada ay tahay in la soo hooyo natiijada guusha balaaran ee dowlad islaami ah lagu gaari lahaa markii la midoobay.

Madaxa Canshuuraha iyo Sakooyinka Alshabaab Sheekh Maxamed Suldaan (Aala-Muxamed) ayaa dadka u sheegay  in hadda looga baahan yahay in ay dadka raacan wadada Alle islamarkaana ay isku ngurmadaan oo gacan ay siiyaan dadka abaaraha soo wajahay.

Dhanka Kooxdii meesha ka baxday Ee Xizbul Islaam ayaa waxaa u hadlay Sheekh Maxamed Dulyadeyn ayaa waxa uu sheegay in ay Kitaabka alle qaateen islaamarkaana ay ku midoobeen xariga alle si guusha ay wada jir u noqoto.

Hadalka masuulkan ayaa u muuqanayay mid ay Xizbiga ugu hogaansamee alshabaab wadada ay ugu yeeri jirtay shacabka taasi oo ahayd mid ay ku doonayeen dhisida Dowlad islaami ah oo laga dhisi soomaaliya wallow dagaalka ay ku raadinayaan dowladaasi uu halaagay dad badan oo maata ah oo qabriyada u galay rasaasta kooxdaasi.

DAAWO SAWIRADA:-

Xafiiska www.Bartamaha.Com Ee Afrika.

[email protected]

Comments

comments