Bartmaha(Balad-Weyne):-Magaalada Balad-Weyne oo shalay qaad la’aan ay ka dhacday ayaa waxaa maanta gaaray Laba Diyuuradood oo Qaad siday sida wararka nagu soo gaarayaan.

Wararkii ugu danbeeyay ee naga soo gaaray B/Weyne ayaa sheegaya in saaka halkaasi xilli hore la geeyay Qaadka ka dib markii shalay magaaladaasi aanay helin wax Qaad ah markii garoonka ay ka labteen diyuuradihii qaadka keeni jiray.

Shalay ayaa waxaa Magaalada B/Weyne ka tagnaa Xaalad jahawareer ah markii Wadooyinka ay soo buuxiyeen Kooxo dhalinyara Qaadley ah iyo Haweenkii iibsan jiray qaadka.

Dadka ayaa waxa ay wada dhowrayeen in Magaalada la soo gaarsiyo Qaadka markii diyuuradii qaadka keeni jirtay ay garoonka dushiisa ka laabatay markii ammaanka ay u baqday.

Saaka ayaa waxaa la sheegayaa in Laba Diyuuradood oo Qaad ah magaaladaasi la gaarsiiyay kuwaasi oo xilli hore ka soo dagay garoonka Ugaas Khaliif ee ku yaala duleedka Magaalada Balad-Weyne.

Xafiiska Bartamaha Wararka Soomaaliyeed www.Bartamaha.Com

Muqdisho-Somalia.

Comments

comments