Iyadoo maalmihii u dambeeyay ay dagaallo xooglihi ka dhaceen Afmadow ayaa halkaas waxaa maanta u kicitimay madaxweynaha Jubbaland Axmed Maxamed Islaam.

Waxaana socdaalkiisa lagu sheegay inuu yahay mid uu ugu kuurgalayo xaalada ciidamada ku sugan Afmadow oo la kulmay weeraro culus oo ay ku qaadeen dagaal yahanno ka tirsan kooxda Alshabaab.

Ciidamada Kenya ee ka tirsan hawlgalka AMISOM ayaa sheegay inay halkaas ku dileen shalay 24 nin oo ka tirsan Alshabaab.

Balse kooxda ayaa guulo ka sheegatay weeraro ay fuliyeen degmada Afmadow, iyadoo la xaqiijiyay in saraakiishii ciidamada Jubbaland ee halkaas ku sugnaa lagu dilay dagaallada.

Comments

comments