Bartamaha (Muqdisho):- Dagaal xoogan oo u dhexeeyay Kooxda Alshabaab iyo askarta Dowlada ayaa saaka ka dhacay xaafado ka mida Magaalada Muqdisho.

Dagaalka ayaa ahaa mid xoog badan kaasi oo ka dhacay xaafado ka mida Degmada Howlwadaag ee Magaalada Muqdisho kaasi oo bilowday ka gadaal markii Islaamiyiinta ay weerar ku soo qaadeen saldhigyada dowlada ee jidka Sayidka.

Dagaalka xoogiisa ayaa ka dhacay wadada dheer ee xiriirisa Isgoyska Sayidka iyo Howl-wadaag oo ay isaga horyimaaden Maleeshiyaadka Shabaab iyo Ciidanka Dowlada KMG ah.

Xaalada ayaa weli kacsan waxaana wadadaasi laga maqlayaa daryanka rasaasta iyo madaafiicda waxaana la soo sheegayaa in taangiyada Amisom ay weli yaalaan wadada si ay u suurta galiyaan qabsoomida shirka Baarlamanka.

Kulanka Baarlamanka qabsoomidiisa iyo weerarka saaka ayaa noqday kuwa isku beegan waxaana taasi ay noqotay samayn buuxda oo uu yeelanayo dagaalka maanta socanaya.

Wixii soo kordha www.Bartamaha.Com kala soco xilli walba.

Xafiiska www.Bartamaha.Com Ee Bariga Afrika.

[email protected]

Comments

comments