Bartamaha (Dhusamreb):- Ciidanka Alshabaab ayaa weerar Xalay ku qabsaday Degmada Dhuusamareeb ee Gobolka Galgaduud halkaasi oo ay muddo difaacayen Kooxda Ahlu sunnah.

Dagaal aan sidaa u xoog badnayn oo xalay ka dhacay dhuusamareeb ayaa la soo sheegayaa in ay shabaabka kula wareegeen gacan ku haynta Degmadaasi oo ay hayeen Kooxda Ahlu sunnah Wal Jamaaca.

Wararka naga  soo gaaray dhuusamareeb ayaa cadaynaya in shabaabka ay xalay haysteen Dhuusamareeb markii Ciidanka Ahlu sunnah ay magaalada banaanka uga bexeen markii weerarka ay soo qaadeen Alshabaab.

Sida wararka saaka aynu ka helnay Dhuusamareeb ayaa waxaa saaka dib looga saaray Ciidankii Alshabaab ee qabsaday Xalay saqdii dhexe waxaana la soo sheegayaa in gudaha magaalada ay joogaan Ciidanka Ahlu sunnah.

Xaalada Xiisad dagaal ah ayaa laga soo sheegayaa duleedka Dhuusamareeb oo ay wada joogaan Alshabaab iyo Ahlu sunnah oo laga baqanayo in ay ku dagaalamaan duleedka Magaaladaasi oo muddo shabaabka qabsan la’yihiin.

Wixii soo kordha www.Bartamaha.Com kala soco.

Xafiiska www.Bartamaha.Com Ee Bariga Afrika.

[email protected].

Comments

comments