Kooxo hubeysan oo ka tirsan Al-shabaab ayaa ku dilay shalay subax duleedka degmada Buulo-burte ee gobolka Hiiraan wiil dhallinyaro ah oo lagu magacaabi jiray, Axmed Makaraan Cabdi Cawaale, kaasoo kamid ahaa dhalinyarada aadka looga yaqaan gobolka aadna uga soo horjeeday kooxda Alshabaab.

Marxuumka ayaa horay ugu eedeeyay Al-shabaab inay dagaallo ka wadaan gudaha gobolka Hiiraan, ayna dhowr jeer isku dhaceen dhallinyaro gobolka kasoo jeedda, iyadoo loo maleynayo in hadalladaas loo dilay.

Alshabaab ayaa weeraro kala duwan ka fulisay gobolka sannadihii ugu dambeeyay, taasoo inta badan ay ku bartilmaameedsanaysay dadka siyaasad ahaan kasoo horjeeda fikirkooda.

Comments

comments