Ururka Al-shabaab ayaa shalay ciidamo badan oo xirnaa dharka milateriga Soomaaliya kusoo bandhigtay degmada Baraawe ee gobolka Shabeellada hoose oo ka mid degmooyinka ay  ka taliso.

waxaana halkaas hadal ka jeediyay mas’uulka Al-shabaab u qaabilsan gobolkaas, Sheekh Maxamed Abuu-Cabdalla.  Ciidamadan ayaa soo bandhigay dhoolla-tus ciidan oo ay ku muujinayeen tababarradii ay soo qaateen, waxaana ay gudaha magaalada mareen iyagoo saran gaadiidka dagaalka ee loo yaqaan tiknimada.

Alshabaab ayaa sheegtay in ciidamadan loogu talagalay fulinta weerarada degdegga ah.

Waxayna dhoolatus kusoo mareen magaalada iyagoo saxaafadana u soo bandhigay.

Inkastoo ururkan khilaafaad ku yimid gudihiisa lagu dilay qaarkamid ah hogaamiyayaashiisii qaar kalana ay baxsadeen ayay hadana sheegeen inay sii wadi doonaan dagaallada ay kula jiraan ciidamada AMISOM iyo kuwa dawlada Soomaaliya.

Comments

comments