Bartamaha(Muqdisho):-Dagaal xoogan oo saaka ka bilowday Xaafadaha Woqooyiga Muqdisho ayaa sababay in Alshabaab ay guula la yaab leh ka gaaraan.

Weerar saaka waabarigii ay qaadeen Ciidamada Alshabaab ayaa waxa ay ku gaareen guula lama filaan ah markii rasaas ay uga saareen Ciidanka Dowlada Degmooyin badan oo ka mida Magalada.

Dagaalka ayaa markiisii hore ka bilowday Isgoysyada Afarta Jardiino,Nasii-Buundo,Beexaani iyo Xeebta Liido waxaana xaalada ay isbadashay markii dagaalka uu waqtigiisa dheeraaday.

Qorshaha weerarka Alshabaab ayaa saaka u muuqday mid guula raadis ah iyadoo ay dhul balaarsi xoogan sameeyeen markii Ciidanka Dowlada ay jabeen.

Xaafadaha Mana Booliyo,Nasii Buundo,Dhismihii Safaarada Talyaaniga,Xaruntii Degmada Shibis oo ka mida Degmada Shibis ayay Ciidanka Alshabaab qabsadeen.

Dhanka Degmada C.Casiis ayaa waxa ay Ciidanka ka gaareen guul balaaran markii ay qabsadeen dhismihii Gaadiidka Booliiska,Saldhigii C.Casiis,Saldhigii Bari Ee Muqdisho iyo Isgoyska Jubba iyo sidoo kale Saldhigii BARTAMAHA oo aah ka dheereen Hotelkii Jubba.

Dagaalka ma joogsan oo weli waxa uu ka socanayaa Xaafadaha Degmada Shangaani iyo agagaarka Isgoyska Boondheere oo ay u muuqato Madaxtooyada iyo dhismaha uu madaxweynaha ku jiro.

Xaalada waxa ay tahay mid kacsan waxaana saaka magaalada ka socanaya Barakicii ugu balaarnaa oo xittaa saameeyay Degmada Xamarweyne iyo xaafadaha dhanka Tiyaatarka ka jira Madaxtooyada oo dadka ay laamiga orod ku goynayaan.

Wixii ku soo kordha www.BARTAMAHA.COM

kala soco Insha allaah

Xafiiska www.BARTAMAHA.COM

Muqdisho-Somalia

Comments

comments