Bartamaha(Muqdisho):-Alshabaab ayaa maanta meel fagaara ah gudaha Muiqdisho ku tacsiirtay 67-Sano jir Khudba sira ku jiray iyo Wadaadkii Meherka sameeyay.

Fagaara ku yaala Degmada Dayniile Muqdisho ayaa maanta Xukunka Tacsiirta lagula fuliyay Yuusuf Macalin Cali oo ah 67-Sano jir Mehersaday gabar ka yar isagoo loo haysto Nikaaxa Khudba sirada ah oo uu sameeyay.

Ninkan ayaa la soo qabtay isaga iyo Macalin Dugsi Qur’aan oo ahaa ninkii ku mehriyay gabar magaceeda la qariyay oo la sheegay in ninkaasi uu mehersaday isagoo isticmaalayay Khudba siro.

Nikaaxa Khudba sirada ah ayaa waxa uu ahaa dhawaanahan mid sii yaraanayay markii la waayay Degmooyinka Jowhar,Marka iyo Walaweyn oo ay aadi jireen dhalinyarada is masaafaysanaysa.

Maanta ayaa waxaa fagaara ku yaala Dayniile waxaa lagu garaacay laba nin oo mid ahaa Yuusuf Macalin oo ah 67-jir Khudba siro galay kaasi oo lagu dhiftay 20-Jaydal iyadoo Macalin Cismaan Nuur oo ahaa wadaadka Mehriyay lagu dhiftay 30-Karbaash.

Alshabaab ayaa horay u mamnuucday Meherka hoose ama Khudba sirada waxa ay soomaalida u bixisay taasi oo ah Mehe dhaca gabadha oo aanay waalidkeed joogin ama qof ka wakiil ah.

Xafiiska Wararka Soomaaliyeed www.Bartamaha.Com

Muqdisho-Somalia.

Comments

comments